Los Abuelos Árboles y los árboles de nuestros abuelos
U nukuch che’ilo’ob chiicho’ob yéetel noolo’ob
Le balts'an radyofoonikaa' u noj much meyaj:
Julian Dzul, Abrahán Colli, agroecological school U Yits Ka'an, Salomé Ricalde, Janil Uc, Alejandro J. Castilla Pinto, U Yotoch Yúuyum, Pacífico Studios.
Este artículo está también disponible en español, inglés y alemán.
U nukuch che’ilo’ob chiicho’ob yéetel noolo’obe’ jump’éel oobra radyofoonika ku tsikbatik ichil waxakp’éel jaatsil u kuxtal Felícitas, juntúul xooknal yaan ti' óox lajun ja'ab ku kajtal Mozón, jump'éel kaajtalil tu’ux ma’ach u ch’íijil xi’imi’ yéetel jach ya’ab u yu’uba’al wi'iji’. Ku ya’ala'al ti' uláak’ kaajo’obe’ le úuchben kajnáalo’obo’ yaanlaj u páajtalilti’ob u kuxtalo’ob te’ óotsitalilo’, dyosbo'otik ti’ le che’obo’. U ts’íibolil ka béeylajak u kajtal ti' u sáamal ka’abejil Mozóone’ ku bisa’al Yuum Báalam Kaaj, tumen ku tsikbalta'ale’ woye’ síijo’ob yéetel láaj kuxano'ob le che’obo’. Yéetel jump'éel buulto tu keléembal yéetel jump'éel táabsaj t’aan tu k’ab, Felícitase’ bin u kaxáant neek’o’ob ti’al u ka’ pak’ik le lu’umo’ yéetel u k’a’ajsajilo’ob u kaajal.
Yáax jaatsil: K’úumche’: ak che'il ti’al wi’ij
Tu káajbal u bin u xíimbal ti' Yuum Báalam Kaaje’, Felícitase’ tu yilubaj yéetel juntúul xko'olel jela’an u paakat yéetel jach ya'ab u na'at ku ye’esik ti' Felícitas u ch’i’ibal le kaaja’ ku tóop’ol ichil le k’áaxo’obo’.
Ka’a jaatsil: Oop: u k’áaxil le k’a’ajsajilo’obo’
Máax ku kajtal te' k’áax yéetel ichil le koolo'. Máax kanáantiko’ob. Ichil u k’a’ajsajilo'ob Casimira yéetel Marceloe’, Felícitase’ tu kanaj yóo’lal u kanáanilo’ob le lu’umo’ yéetel bix u béeytal u yu’uba’al te' jaatsilo’ob ku bak’paachtiko’ono’.
Óox jaatsil - Báalche’: le lool ku pirinsuuto’
Jump'éel book bis u yuumilo’ob Yuum Báalam Kaaj ti' jump'éel noj kaxan ku táakbesik ka’atúul láak’tsilo’ob. Felícitase’ k’abéet u ch'ik u ts'ook t’aano’ob ti’al u péeksik le máaxo’ob yaan tu bak’paacho’.
Kan jaatsil - Piich: u najil xuuxo’ob
Bix u páajtal ti' le síij óol wa le xuuxo'ob u máanso’ob le wi’ijo’. Tsáayal tu paach u xuuxo'ob xko'olel Eustaquia, Felícitase' tu kanaj jump'éel noj kaambal yóo’sal u kuxtalil ich k’áax.
Jo' jaatsil - Óox: táan ak kanik jaanal ti' u ba’alche’ilo’ob le k’áaxo’
Ka’atúul xkolnáalo’ob táan u máansiko’ob jump'éel talamil ti’al u kaxantiko’ob u kúuchil tu'ux ken u k'ax u nayo’ob yéetel ka u pak’o’ob jump'éel túumben kuxtal. Felícitase' yaan u k'aj óoltik u k’ajlayil yéetel yaan u na’atik ichil le k'áaxo' ya’ab jejeláas t’aano’ob ku tsol xikin ti’ máax u kanmaj u yu'ub t'aan.
Wak jaatsil - Ya': le che' ku puuk’ul ichil le chi’o’
Máax máakilo’ob le cha’o'. Ba’axten sajko’ob okol ichil le k’áaxo'obo’. Felícitase' k’abéet u kanik u bisubaj yéetel ka’atúul máako’ob ti’al u kaxantik u núukil u tuukulo’obo’.
Uk jaatsil - Chéechen yéetel Chakaj: suku’untsilo’ob ku tsa'aysiko'ob k’oja’anil yéetel ku ts’aako’ob
Tu xuul u kaajil Yuum Báalam Kaaje’, Felícitase’ luk’ u muuk’ yéetel káaj u k'oja'antal. Áantaj yéetel jets’ óol yaan u taal wáa tu’ux.
Waxak jaatsil - Ya’axche’: chiicho’ob yéetel u k’i’ixilo’ob
Felícitase' táan li’iskuba ti’al u ka' suut Monzón, chíikpaj Atilano, úuchben kajnáal ti' Yuum Báalam Kaaj. Le ku tsikbatik te’elo’, sáansamal tu áaka’abile’, bey sajbe’entsile’, wáa ma' chéen jump'éel tsikbal xan bix u jach utsil yéetel u toj óolalil ku láaj táakbesik.
U nukuch che’ilo’ob chiicho’ob yéetel noolo’obU jatsilo'ob le tsIkbala' u beeytal a wu'uyik waye.
U béeytal u yéensk’ajal le jaatsilo'obo’ beyxan u béeytal a meyaj yéetele’ tumen mina’an u náajalil, chéen ma’ u k’e’exel yéetel ka a’ala’ak máax beet le meyajo’.
U béeytal xan a kaxtik le jaatsilo'ob ti' Spotify: U nukuch che’ilo’ob chiicho’ob yéetel noolo’ob tu kanalil YouTube.
U meyaj ts’íibil
Way tu kúuchil le oochelo’oba’ kak ts’áaik a k’ajóolte’ex wáa jayp’éel meyaj ts’íibo’ob múuch’ yéetel u jaatsilo’ob U nukuch che’ilo’ob chiicho’ob yéetel noolo’ob, u béeytal u líi’sik óol ti’tsikbalo’obe’, ka k múuch’akba, tuukulo’ob yéetel meyajo’ob yaan u yil yéetel u yóok’ol kaabil k k’aaxo’on.
Ma’ toop le payt’aano’obo’ ma’ ts’oka’antako’obo’ u béeytal u nojochtal wa u k’e’exel je’elbix k’abéete’, jejeláas paakatilo’ob yéetel kúuchilo’ob.
U nukuch che’ilo’ob chiicho’ob yéetel noolo’obMáaxo'ob beet le meyajo’:
Lela’ u Noj meyaj Escuela de Agricultura Ecológica U Yits Ka’an yéetel Spore Initiative, yéetel U Yotoch Yuuyum
Dirección: Salomé Ricalde
Guión adaptado: Janil Uc Tun
Producción: Alejandro J. Castilla Pinto, Pacifico Studios
Música y diseño sonoro: Alejandro J. Castilla Pinto
Coordinación: Julián Dzul Nah y Abrahan Collí Tun
Actuaciones:
Mariana Yamá
Laura Zubieta
Jorge Chablé
Amanda Quezadas
Eleazar Estrella
Nicte-Ha Ku
Nirva González Moo
Itzel de la Cruz Gutiérrez
Miguel Péepen
U Yotoch Yúuyum, colectivo interdisciplinario
Asesoría en lengua maya: Lorena Pool Balam
Ilustración: Patricia Uh
Le jaatsilo’obo’ tsikbalo’ob a’ala’ab tumen Ignacio León, Marcelo León Blanco yéetel Atanacio Dzib, tu kaajil Dzemucut; Araceli Bacab, tu jaakil Maní; Severiana Pat yéetel Tomás Poot, tu kaajil Tekom; Lucio Dzul, tu kajil Montecristo; Javier Aguilar, tu jaakil Ticul, Mario Euan, tu kaajil Tabi, u noolo’ob yéetel u chiicho’ob u kaajalo’ob, táabsabo’ob tumen U Yits Ka’an yéetel Radio XEPET, “La voz de los mayas.
Abuelas y abuelos árboles